Sorag & Jogap

”Salam, men siz bilen bir zat paýlaşmak isleýän, köpüň pikiri belki maňa-da çykalga bolar.

Meniň özümden kiçi jigim bar, söýgülisi tarapyndan öz islegi bolmazdan, islenmeýän gatnaşyk geçiripdir, söýgülisi bolansoňam şu güne çenli gizläp gezipdir. Şondan soňam oglan ursa-da çydapdyr, sögse-de. Ýanymyzda bolmansoň urulsa-da biziň habarymyz bolmandyr. Şu gün ýanynda bolýan gyzdan soradyk, “yüzi gök geldi, ‘näme boldy’ diýsek ‘gapa degdi’ diýýä” diýdi, bu gün aglap jaň etdi “men şeýle boldum” diyip, “ursa-da çydap, sögse-de çydaýadym, indi ‘gerek däl’ diýýär” diýip.

Biz 4 ýyldan bäri gyz jigim söýgülisi bilen urşly diýip pikirlenýärdik, ol bolsa bizden gizleýän eken, arasynda gürleşip, arasynda gidip, gyz jigimem başga çykalga görman gitse, yzyndan aglap ýalbaryp ýören eken. “Bu gezegem ýalbardym, ‘ynsapsyz bolma’ diýip” diýýär, “ýöne indi ýadadym,meni halas ediň” diýip otur jigim.

Näme kömek etjegimi bilemok, polisiýa berip gidişip, jigimi ile çykmaz ýaly güne salasym gelenok, ol urýan, sögýän oglana-da gyz jigimi elim bilen beresim gelenok. Ejeme aytsam, ýüregi götermez.

Gaýrat edip, maňa maslahat beriň, kömek ediň. Men onuň eline täze durmuş beresim gelýär, ýöne nädip?! Maslahat bereňizde gaýrat edip özüňizi meň ýerime, jigimiň ýerine goýup ýazyň. Allajan hiç kimiň başyna bular ýaly ajy duýgyny, çykalgasyzlygy salmasyn! Herkime abadanlyk nesip etsin, orazalaryňyzam kabul bolsun!”

*Okamak aňsat bolar ýaly gelen hatlar diňe grammatiki taýdan az-owlak düzedilýär.

Psiholog jogap berýär

Gyz jigiň onuň ýaly kyn ýagdaýa düşendigi üçin örän gynanýaryn. Sen gyz jigiňe diňe onuň özi bu gatnaşygy tamamlamak islese kömek edip bilersiň. Ol bu gatnaşygy tamamlamak islemese, sen hiç zat edip bilmersiň. 

Ýazan hatyňa seretseň, ol söýgülisi bilen däl-de, gyzlar bilen ýaşaýar. Ol söýgülisi bilen ýaşamaly däldir, hatda (mümkin bolsa) ýaşaýan ýerini hem üýtgetmeli.

Gyz jigiň onuň bilen mümkin boldugyça çalt arasyny üzmeli, sebäbi jigiň ömrüni ol oglanyň haýsy urgusynyň tamamlajagy belli däldir.

Eger onuň söýgülisiniň jaýynda zatlary galan bolsa, olary almaga ýeke özi gitmesin — bu örän howpludyr. Gowusy, ol zatlary almaga başga biri gitmelidir ýa-da jigiň özi daýaw bir erkegi ýanyna ýoldaş alyp gitmelidir.

Onuň söýgülisi ýaly adamlar (zulumkeşler) ömürleri boýunça örän gorkak bolýarlar we diňe gaýtawul berip bilmeýän adamlara zulum edýärler.

Jigiň onuň bilen aýrylmak, hoşlaşmak barada gepleşmeli däl, söýgülsiniň sebäp bolan gaýgylary, dertleri, öýkesi barada aýtmaly däl — bu ýagdaýda ol özüni çozuş meýilli, gazaply alyp barar — ony urar, özi bolmasa onuň hiç kimdigini aýdar.

Jigiňe howpsuz bir ýer gerek. Belki, ol biraz seniň bilen ýa-da joralary bilen ýaşar?

Ol söýgülisi bilen ýazyşmagy bes etmeli, onuň telefon belgisini blokirlemeli. Bu örän möhümdir! Bolmasa, söýgülisi köp ötünç sorar, bilelikde geçen gowy günlerini ýatladar. Gatnaşyklarynyň bozulandygynyň sebäpkäri diýip jigiň özüni günäkärläp ýazar. Gynansak-da, şeýle zyýanly, adamy çökerýän gatnaşyklardan çykmak örän kyn bolýar we, köplenç, gyzlar özlerine beden we duýgy taýdan zorluk eden ýan-ýoldaşlaryna dolanyp barýarlar.

Ol oglan bilen gatnaşykda bolup, jigiň ony özüne iň ýakyn adam diýip hasaplan bolmagy mümkin. Şonuň üçin sen ony hökman diňlemelisiň, goldamalysyň we oňa beýleki adamlar bilen (ilki bilen seniň özüň bilen) ýakyn gatnaşyk gurmaga kömek etmelisiň.  Munuň üçin bolsa sen ony diňlemegiň möhümdir. Ol söýgülisi barada, gowy geçen wagtlary barada aýdyp berer (ýöne sen “ýok” diýip garşylyk görkezme), soňra gowy geçen pursatlardan soňra bolan zatlary — başdan geçiren sütemdir zorlugyny, urgulary, sögünçleri onuň öz ýadyna düşer. Ol häzir seniň oňa düşünmegiňe we duýgudaşlyk etmegiňe mätäç. Onuň tarapyndadygyňy, oňkulykdygyňy, oňa düşünmäge we goldamaga taýýardygyňy görkezmegiň — juda möhüm! Oňa bu zyýanly, çökeriji gatnaşykdan çykmaga diňe şunuň ýaly goldaw berip kömek edip bilersiň.

Jigiňi masgara etmek islemeýändigiň sebäpli polisiýa ýüz tutmakdan gorkýarsyň. Ýöne biz saňa jigiň urgudan gögeren ýerlerini surata almaklygy maslahat berýäris. Eger onuň söýgülisi gatnaşyklaryny dikeltmek islese, bu suratlaryň polisiýada oňa garşy ulanyljakdygyny ýaz. Bu saňa jigiňi goramaga kömek eder.

Integer elementum sapien massa, in auctor nibh facilisis non. Suspendisse potenti. Cras a hendrerit erat. Mauris eu lacinia quam. Vivamus porta volutpat lorem, sit amet tempus sem dignissim id. Quisque augue justo, fringilla et sapien eu, feugiat dictum diam. Sed ac tortor viverra, ultricies velit luctus, porta turpis. Curabitur leo diam, efficitur vel tempus a, elementum et est. Lorem ipsum dolor sit amet, consectetur adipiscing elit.

Nullam eget efficitur diam. Morbi ac arcu lorem. Quisque sit amet blandit lectus. Cras dapibus augue ut condimentum euismod. Nam faucibus varius ipsum, eget tincidunt sapien vestibulum ac. Fusce lobortis ultrices est, a cursus magna tempus sed. Morbi feugiat sem eu augue convallis, id aliquet tortor tempus. Donec vehicula accumsan urna, non auctor quam vehicula et. Suspendisse luctus fermentum tellus vitae hendrerit. Fusce dapibus nisl porttitor leo rhoncus, sit amet semper dolor viverra. Curabitur tortor elit, ornare aliquam tempor vel, eleifend sed nisi. Sed mauris sapien, gravida sed laoreet non, condimentum quis nisi. Praesent finibus est aliquam, ornare dolor vel, malesuada libero. Nulla rutrum enim in sapien maximus, in finibus eros sollicitudin. Etiam elementum sapien enim, non tempor est posuere pellentesque.